5 июнь, пайшанба куни Тошкентнинг “Бунёдкор” жамоаси Фарғонанинг “Нефтчи” клубини қабул қилади.
Ушбу учрашув жамоаларнинг ўзаро ҳисобдаги ўн бешинчи тўқнашуви сифатида қайд этилади. Шу кунгача ўтказилган ўн тўрт ўйиннинг ўн биттасида “қалдирғочлар”нинг қўллари баланд келган бўлиб, бир учрашувда фарғоналиклар ғолиб бўлишган. Икки баҳсда эса томонлар муроса кўчасини танлашган. Тўплар фарқи 25:5, “Бунёдкор” фойдасига.
Ўзаро ўйинларда энг кўп тўп киритган футболчи Анвар Бердиев ҳисобланади. Эндиликда “қалдирғочлар” шарафини ҳимоя қилаётган ушбу ҳужумчи фарғоналиклар таркибида “Бунёдкор” дарвозасига тўртта тўп киритган.
Эслатиб ўтамиз, 5 июнь куни бўлиб ўтадиган 11-тур доирасидаги “Бунёдкор” – “Нефтчи” учрашуви “Жар” стадионида соат 19:00да бошланади.
Қуйида “Бунёдкор” ва “Нефтчи” жамоаларининг тошкентликлар мезбонлигида ўтган учрашувлар қайдномаларидан кўчирмалар келтирилган.
БУНЁДКОР - НЕФТЧИ 0:0
26.06.2007. 15-тур. Тошкент. МҲСК стадиони. 5000 томошабин
Бош ҳакам: Хушвақт Мухторов - 8,3
БУНЁДКОР - НЕФТЧИ 3:1 (2:0)
06.03.2008. 2-тур. Тошкент. МҲСК стадиони. 8000 томошабин
Бош ҳакам: Равшан Эрматов – 9,0
Голлар: Сервер Жепаров 13 (1:0), Улуғбек Бақоев 18 (2:0) Улуғбек Бақоев 55 (3:0), Анвар Бердиев пенальти 90+2 (3:1)
БУНЁДКОР – НЕФТЧИ 5:0 (3:0)
31.10.2009. 28-тур. Тошкент. “Жар” стадиони. 4573 томошабин
Бош ҳакам: Олег Рубаков – 8,0
Голлар: Анваржон Солиев 4 (1:0), Сервер Жепаров 36 пенальти (2:0), Жасур Ҳасанов 43 (3:0), Хосе-Луис Вильянуэва 59 (4:0), Тимур Кападзе 82 (5:0)
БУНЁДКОР – НЕФТЧИ 1:0 (0:0)
02.05.2010. 7-тур. Тошкент. “Жар” стадиони. 6742 томошабин
Бош ҳакам: Бахтиёр Тоғаев – 8,7
Гол: Сервер Жепаров 63
БУНЁДКОР - НЕФТЧИ 1:0 (0:0)
15.10.2011. 23-тур. Тошкент. “Жар” стадиони. 3184 томошабин
Бош ҳакам: Владислав Цейтлин - 9,1
Гол: Камолиддин Мурзоев 59
БУНЁДКОР – НЕФТЧИ 2:1 (2:1)
18.08.2012. 16-тур. Тошкент. “Жар” стадиони. 1426 томошабин
Бош ҳакам: Бахтиёр Намозов (Тошкент)
Голлар: Анвар Ғофуров 6 (1:0), Виктор Карпенко 8 (2:0), Анвар Бердиев 38 (2:1)
БУНЁДКОР – НЕФТЧИ 1:0 (1:0)
26.08.2013. 17-тур. Тошкент. “Пахтакор” марказий стадиони. 3120 томошабин
Бош ҳакам: Рустам Бобомуродов (Навоий)
Гол: Жасур Ҳасанов 8 (1:0)
