Ўзбекистон U-19 ёшлар терма жамоаси 9 июнь куни навбатдаги йиғинини ўтказиш учун Арманистон пойтахти Ереванга учиб кетди.
1995 ва ундан кейинги йилларда туғилган Ўзбекистон U-19 ёшлар терма жамоаси 12 ва 14 июнь кунлари Ереванда Арманистон U-19 ёшлар терма жамоасига қарши иккита ўртоқлик учрашувини ўтказиши ҳақида аввалроқ маълумот берган эдик.
Шу пайтгача Ўзбекистон ёшлар терма жамоаси бош мураббийи бўлиб келган Сергей Лушан 3 июнь куни Тошкентнинг «Бунёдкор» клубига бош мураббий этиб тайинлангач, Ўзбекистон U-19 терма жамоаси бош мураббийлиги вазифасидан озод этилган эди. Ўзбекистон ёшлар терма жамоасини Арманистонга ёшлар терма жамоаси катта мураббийи Илҳом Мўминжонов мураббий сифатида олиб кетган.
Эслатиб ўтамиз, Ўзбекистон U-19 ёшлар терма жамоаси октябрь ойида Мьянмада ташкил этиладиган ёшлар ўртасидаги Осиё чемпионати баҳсларига тайёргарлик кўрмоқда.
Мусобақа финал босқичида Ўзбекистоннинг ёш футболчилари «В» гуруҳида Австралия, БАА ва индонезиялик тенгқурларига қарши баҳс олиб боради.
