Англия терма жамоаси бош мураббийи Рой Ходжсон Италия термасидан учралган мағлубият (1:2) ҳақида фикр билдирди.
"Бу натижани қабул қилиш жуда қийин. Биз жаҳон чемпионатини яхши натижа билан бошламоқчи эдик, аммо ҳамма нарса сен хоҳлагандек бўлавермас экан. Биз қўлимиздан келганини қилдик, аммо гол ура олмадик.
Аммо менга ўйинимиз ёқди. Раҳим Стерлинг бутун ўйин давомида кучли ҳаракат қилди. Денни Уэлбек бир неча яхши имкониятга эга бўлди, Жеррард ва Ҳендерсон ҳужумчиларни тўп билан таъминлашга ҳаракат қилдилар.
Уэйн Руни ҳам жуда яхши ўйин кўрсатди. У бир неча чизиқда ўйнай олади. Менимча, у ўзининг ўйинидан қониқди", - дея Ходжсоннинг сўзларини келтиради ВВС.
