Ўзбекистон кубоги-2014 ярим финалига “Локомотив”, “Бунёдкор”, “Пахтакор” ва “Насаф” жамоалари йўлланма олдилар.

Ярим финалда “Бунёдкор” Қаршининг “Насаф” жамоаси билан куч синашса, иккинчи жуфтликда Тошкентнинг икки клуби “Локомотив” ва “Пахтакор” жамоалари финалнинг иккинчи йўлланмаси учун кураш олиб боришади.
Ярим финал баҳсларига қадар жами 32та учрашув бўлиб ўтди. Ушбу ўйинларда ҳаммаси бўлиб дарвозаларга 108та гол киритилди.

Ҳозирча Ўзбекистон кубоги баҳслари тўпурари Самарқанднинг “Динамо” клубининг ҳужумкор ярим ҳимоячиси Фарруҳ Шотурсунов бўлиб турибди. Унинг ҳисобида жами 5та гол мавжуд. Бироқ унинг ушбу кўрсаткичини Сардор Рашидов (“Бунёдкор”), Анваржон Солиев (“Пахтакор”) ва Станислав Андреев (“Пахтакор”) каби футболчилар йўққа чиқариши мумкин.

Ўзбекистон кубоги-2014 тўпурарлари рўйхати
Фарруҳ Шотурсунов (“Динамо)” – 5 (2)
Маъруф Аҳмаджонов (“Оқтепа”) – 4
Сардор Рашидов (“Бунёдкор”) – 4
Шаҳбоз Эркинов (“Навбаҳор”) – 4
Шерзод Ҳакимов (“Олмалиқ”) – 4
Анваржон Солиев (“Пахтакор”) – 3 (1)
Станислав Андреев (“Пахтакор”) – 3