Италия терма жамоаси аъзоси Марио Балотеллининг айтишича, ЖЧдаги терма жамоасининг муваффақияти, клуб билан эришиладиган ҳар қандай ютуқ ёки шахсий совринлардан афзалроқ.
"Мен ушбу чемпионатдан жуда катта тажриба оляпман ва ҳеч қандай босимни ҳис қилаётганим йўқ. Tерма жамоам билан ЖЧда узоқроққа боришни ва имкон даражасида кўпроқ голлар уришни хоҳлайман. Бироқ, энг муҳими терма жамоамнинг ғалабаси. Мен учун ЖЧдаги муваффақият Чемпионлар лигасидан ҳам, Олтин тўпдан ҳам аҳамиятлироқ" дейди италиялик футболчи.
Шунингдек, Марио ушбу чемпионат уники эмас, балки терма жамоасиники бўлиб қолишини истайди.
"Умид қиламанки, ушбу Жаҳон чемпионати Марионинг эмас, Италиянинг Жаҳон Чемпионати бўлади. Мен юлдуз бўлишни ҳоҳламайман, мен учун Италия зафар қучса кифоя".
Балотелли ўзининг келажаги ва қайси клубда қолиши ҳақидаги саволга қуйидагича жавоб берди: "Менинг фикру ҳаёлим ҳозир фақат Жаҳон чемпионатига қаратилган. Келажакда нима бўлишини вақт ўтиб биламиз. Мен ҳеч нарсани билмайман".
Эслатиб ўтамиз, Италия терма жамоаси биринчи турда Англия терма жамоаси билан баҳс олиб борди ва Балотелли ушбу ўйинда гол киритишга муваффақ бўлди.
