Англия терма жамоаси дарвозабони Жо Ҳарт Ж-2014 гуруҳ босқичи 2-турида Уругвайга қарши учрашувдаги мағлубиятдан сўнг фикрларини билдирди.
"Бундай аламли мағлубиятдан сўнг гапириш жуда қийин. Ҳаммамиз жон бериб ҳаракат қилдик, аммо натижа аламли бўлди.
Коста-Рикага қарши ўйинда ғалаба қозонишга ҳаракат қиламиз. Бунинг устига мусобақа биз учун ҳали тугамади. Агар италияликлар барча ўйинларда ғалаба қозониб, биз охирги турда йирик ҳисобда ғалаба қозонсак - гуруҳдан чиқишимиз мумкин. Ходжсон ўз вазифасида қолиши керак", - дейди Ҳарт.
Эслатиб ўтамиз, Италия қолган ўйинларини Коста-Рика ва Уругвай терма жамоаларига қарши ўтказади, Англия эса Коста-Рика билан.
