Япония терма жамоасининг сардори Макото Ҳасебенинг фикрича, кўпчилик бўлиб ўйнаганларига қарамай, Грецияга қарши ўйиннинг иккинчи бўлими жамоа учун ёмон кечган.
"Кацураниснинг четлатилишига қадар хши ўйнадик. Тезкор ҳужумлар уюштирдик, яхши ҳаракатланаётган эдик. Аммо ўн киши бўлиб қолгач, греклар ҳимояга ўтириб олдилар. Иккинчи бўлимни биринчи бўлимга қараганда ёмон ўтказдик. Жуда бўлмаганда, голга тортадиган вазиятларга камроқ эга бўлдик.
Бу грекларнинг ҳимояда жипслашиб ва хавфли қарши ҳужумлар уюштирганлари билан боғлиқ.
Колумбияликлар очиқ футбол намоиш этадилар. Улар ёпилиб олмайдилар ва бутун жамоа бўлиб дарвоза олдида тизилиб олмайдилар. Бу биз учун қулай, чунки биз ҳам шундай ўйнаймиз", - дея Ҳасебенинг сўзларини келтиради ИТАР-ТАСС.
