Бразилияда ўтаётган Жаҳон чемпионати "D" гуруҳидан ўрин олган Уругвай - Англия терма жамоалари ўртасидаги баҳс 2-1 ҳисобида жанубий америкаликларнинг фойдасига ҳал бўлганини сайтимиз орқали хабар бериб ўтган эдик. Учрашувда Англия терма жамоасининг дарвозасини икки бор ишғол қилган Суарес ўйиндан сўнг ўз кўз ёшларини яширолмаган клубдаги жамоадоши Стивен Жерард ҳақида фикр билдириб ўтди.
"Жерард - мен майдонда бирга тўп тепган футболчиларнинг энг яхшиси. Бу вазият сардор учун омадсиз ҳолат. Мен Жерардни бундай ҳолатда кўришни хоҳламайман".
Шунингдек, журналистларнинг баҳс якунида Жерарднинг одига бориб унга далда берувчи қандай сўзларни айтганлиги ҳақидаги саволга Суарес шундай жавоб қилди: "Жерард, олға қадам бос, бу ўйин ҳақида унут. Зеро, сен энг яхшилардан бирисан!"
