«Реал» ярим ҳимоячиси Хаби Алонсо ЖЧ-2014дан кейин Испания терма жамоасидаги фаолиятини якунлашга қарор қилди, дея ёзади Marca.
Нашр маълумотига кўра, Алонсо бундай қарорга Бразилиядаги турнир бошланишидан аввал келган ва Висенте Дель Боске шогирдларининг ЖЧ-2014да муваффақиятсизлигининг футболчи қарорига алоқаси йўқ.
32 ёшли ярим ҳимоячи Испания терма жамоаси сафида 3та ЖЧ, 2та Европа чемпионати ва 2та Конфедерациялар кубогида иштирок этиб, икки марта Европа ва бир марта жаҳон чемпиони унвонини қўлга киритди. Хаби Алонсо терма жамоа таркибида 113та ўйинда майдонга тушган. У иштирок этган ўйинларнинг 88тасида Испания ғалаба қозонган, 13тасида мағлуб бўлган. 12та ўйин эса дуранг билан якунланган.
