Англия терма жамоаси собиқ ҳужумчиси Алан Ширер "уч шерлар" ЖЧ-2014ни эрта тарк этаётганига қарамай, жамоа бош мураббийи Рой Хожсонни қўллаб-қувватлашини билдирди.

«Англия жаҳон чемпионатини эрта тарк этаётганини қабул қилиш қийин, аммо Рой Хожсон ўз ишини давом эттириши лозим. У Коста-Рикага қарши ўйиндан бошлаб асосий эътиборни ёшларга қарата бошлаши керак.

Росс Баркли, Люк Шоу ва Алекс Окслейд-Чемберлен ўсиши учун уларга ушбу чемпионатдан бошлаб имконият бериш лозим.  Шу билан бирга таркибда тозалаш ишларини ўтказиш керакмас. Жамоага ёшлик ва тажриба уйғунлиги керак.

Ҳар қандай ҳолатда ҳам у ушбу баҳсда ғалаба қозонишни истайди. Англия ҳар қандай таркиб билан ҳам Коста-Рикани мағлуб этишига шубҳа қилмайман», – дейди Ширер.