Эрон терма жамоаси 90 дақиқа давомида Аргентина қарши тенгма-тенг кураша олди. Аммо ўйинга қўшиб берилган дақиқаларнинг дастлабкисида Месси "Месси"лигини қилди ва ўз жамоасига ғалаба келтирувчи тўпни рақиб дарвозасига йўллади.

Биринчи бўлимда Эрон анча эҳтиёткор ва ёпиқ ўйин намойиш қилди. Натижада улар аргентиналиклар кўп вазият яратиш имконини беришмади.

Иккинчи бўлимда ўзига ишончи ортган форслар қўрқмасдан олдинга ўта бошладилар. Осиёларда дарвозани ишғол қилиш учун 3та яхши имконият юзага келди. Ризо Қучаннажод икки марта ва Ашкан Дежага бир марта жарима майдончаси ичида дарвоза томон хавфли зарбаларни йўллашди. Бироқ аргентиналик дарвозабон Ромеро ҳар сафар зарбаларни бартараф этишга муваффақ бўлди. Эронлик посбон Ҳақиқий ҳам ҳақиқий посбон эканини намойиш этиб, ўзининг ҳаракатлари билан мудофаа чизиғи вакилларига ишонч бағишлаб турди.

90 дақиқа ортда қолиб, ўйинга қўшиб берилган 4 дақиқа бошланган пайтда жарима майдончасининг ўнг томонида тўпни қабул қилиб олган Месси уни чап оёғига мослади ва дарвозанинг олис бурчагига айланма зарба берди. Бутун ўйин давомида Леони таъқиб қилган эронликлар унга бир марта имкон беришди ва бунинг учун жазоланишди.

Аргентина терма жамоаси ўз ҳисобидаги очколар сонини 6тага етказди ва нимчорак финал йўлланмасини муддатидан аввал ҳал қилди.

ЖЧ-2014. "F" ГУРУҲИ
АРГЕНТИНА – ЭРОН - 1:0 (0:0)
Гол: 1:0 – 90+1 Месси.
Аргентина – Ромеро, Сабалета, Гарай, Фернандес, Рохо, Гаго, Маскерано, Ди Мария (Биглия, 90), Месси, Игуаин (Паласио, 77), Агуэро (Лавесси, 77).
Эрон: Ҳақиқий, Мунтазорий, Ҳуссайний, Содиқий, Пўлоди    , Некунам, Теймурян, Дежага (Жаҳонбахш, 85), Шожаий (Ҳайдарий, 77), Ҳожисафий (Р.Ҳақиқий, 88), Қучаннажод.
Огоҳлантиришлар: Некунам (53), Шожаий (73).