Аргентина - Эрон баҳси якунига етгач, эронликлар бош мураббийи Карлос Кейруш ўйин ҳақида ўз фикрларини билдириб ўтди. Унинг фикрича сербиялик ҳакам Милорад Мажич ўйин натижасига таъсир ўтказган ва иккинчи бўлимда Сабалета Дежагани йиқитган вазиятда ҳаққоний пенальтини белгиламаган.
"Якунда икки шахс ўйинни ўзгартириб юборди. Уларнинг бири ҳакам бўлса, иккинчиси Месси" дейди португалиялик мутахассис.
"Ўша вазиятда бизга адолатли қарор керак эди. Ҳакам вазиятдан беш метрча нарида эди, ва қоида бузилганини кўрмасдан бошқа чора йўқ эди, бироқ ҳеч нарса қилмади. Энг ёмони ҳакамнинг савияси ва унинг қарори бўлди. Нима бўлган тақдирда ҳам футболчиларим билан фахрланаман".
"Ҳақиқатни айтишга ҳаққим бор ва умид қиламанки, ҳақиқатни гапирганим учун мени жазолашмайди".
