Португалия терма жамоасининг бош мураббийи Паулу Бенту ЖЧ-2014 гуруҳ босқичининг сўнгги турида АҚШга қарши учрашув олдидан фикрлари билан ўртоқлашди.
"Эртага ким ўйнаш-ўйнамаслигини муҳокама қилишни бас қилайлик. Вазият оддий: ё ютамиз, ё жомадонларни йиғиштирамиз. Агар дуранг бўлса, яна иккинчи вариант.
Португалия бундай сценарийга тайёр эмас. Бу Португалияга яхшироқ ўйнашига сабаб бўлади, деб ҳисоблайман. Бунга мен ҳам, футболчилар ҳам ишонамиз. Бизга ўзига ишонган ва ўйинни назорат қила оладиган жамоа керак.
Мен шартнома имзолаганимда барча маъсулиятни Роналду ёки бошқа бир футболчининг зиммасига юклашни ният қилмаганман. Бу менинг муаммоларим. Роналду муҳим ўйинчи, аммо у бошқалардан кўра кўпроқ босимни ҳис қилмоқда деб ўйламайман", - дейди Бенту.
