Бельгия терма жамоаси бош мураббийи Марк Вильмотс Россияга қарши бўлиб ўтган 2-тур баҳси (1:0) борасида ўз фикрларини билдириб ўтди.

«Иккита ўйинда ғалаба қозондик ва нимчорак финалга чиқдик. Бундан хурсандмиз. Энди эса учинчи баҳсда қандай ўйнаш кераклиги ҳақида ўйлашимиз лозим.

Захирадан майдонга тушган футболчилар ўзларини кўрсата олишди. Баъзи футболчилар бугун ўз имкониятларидан паст ўйнашди. Характер кўрсатиш лозим эди. Барча нарса ҳамиша режа бўйича кетавермайди. Иссиқ туфайли футболчилар қийналишди. Бу энг яхши ўйинимиз бўлмади, аммо ёмон ҳаракат қилмадик. Якунда биз ўз мақсадимизга эришдик. Жисмоний ҳолатимиз жойида.

Жанубий Кореяга қарши ўйинда баъзи футболчиларга дам берилади, баъзиларига ўйин амалиётини берамиз. Лукакунинг алмаштирилишига реакцияси? Бу нормал ҳолат. Унда адреналин кўп. Тахминан бир ҳафталардан кейин у ўзининг энг яхши формасига чиқади. Биз ҳар бир футболчимизга ишонамиз. Куч — бирликда», – дейди Вильмотс.