Коста-Рика терма жамоаси Уругвай, Англия ва Италия ўрин олган "D"гуруҳида ғолибликни қўлга киритди. КОНКАКАФ минтақаси жамоасини Англия ҳам мағлуб эта олмади.
Дастлабки иккита ўйинда кучли рақибларни мағлуб этган Хорхе Луис Пинто шогирдлари ўйиннинг илк дақиқаларида тўпни кўпроқ назорат қилишди, олдинга боришди. Биринчи бўлимда Борхес томонидан амалга оширилган жарима зарбаси дарвоза тўсинига тегиб майдонни тарк этди.
Инглизлар ғалаба қозонишлари ҳам мумкин эди, аммо Старриж жуда кўп қулай имкониятларни ҳавога совурди. Англиянинг кейинги босқичга чиқиш имкониятини йўқотиб бўлгани ёш ҳужумчиа руҳий таъсир кўрсатган бўлиши мумкин. Акс ҳолда Даниэль битта ўйинда бунча кўп имкониятни ҳавога совуриши мумкин эмас.
Ўз навбатида коста-рикаликлар ҳам жуда яхши ҳимояланишди ва ўйиннинг сўнгги дақиқасига қадар эътиборни сусайтиришмади. Натижада бу жамоа ўз гуруҳида 1-ўрин билан нимчорак финалга чиқди. Улар бу босқичда "С" гуруҳининг иккинчи жамоасига қарши майдонга чиқадилар.
ЖЧ-2014. "D" ГУРУҲИ, 3-ТУР
КОСТА-РИКА – АНГЛИЯ 0:0
Коста-Рика – Навас, Гамбоа, Гонсалес, Дуарте, Миллер, Диас, Борхес (Баррантес, 78), Техеда, Руис, Бренес (Боланьос, 59), Кэмпбелл (Уренья, 65).
Англия – Б. Фостер, жонс, Смоллинг, Кэйхилл, Шоу, Лэмпард, Уилшер (Жеррард, 73), Милнер (Руни, 76), Баркли, Лаллана (Стерлинг, 62), Старриж.
Огоҳлантиришлар: Баркли (53), Лаллана (57), Гонсалес (60).
| № | Жамоа | Ўйин | Ғалаба | Дуранг | Мағлубият | Т-Н | Очко |
|---|---|---|---|---|---|---|---|
| 1 | Коста-Рика | 3 | 2 | 1 | 0 | 4-1 | 7 |
| 2 | Уругвай | 3 | 2 | 0 | 1 | 4-4 | 6 |
| 3 | Италия | 3 | 1 | 0 | 2 | 2-3 | 3 |
| 4 | Англия | 3 | 0 | 1 | 2 | 2-4 | 1 |
