Ван ден Хугенбанд 2010 йил "ПСВ" клубида шифокор бўлиб ишлаган. Ўша пайт Суарес эйндховенликлар ўйинчиси Усмон Баққолни тишлаб олган эди.
Унинг фикрича, Жоржио Кьеллини Суарес тишлаганидан сўнг укол қабул қилиши керак эди.
Усмон Баққол билан бўлган воқеада у футболчига антибиотик инъекциясини юборган эди.
"Ўшанда Суарес Баққолнинг ўмровидан тишлаб олган ва оғирроқ бўлган эди. Кьеллинининг жароҳатида қон кўрмадим", - дея Хугенбанднинг сўзларини келтиради Algemeen Dagblad.
Суарес бу футболчилардан ташқари "Челси" футболчиси Бронислав Ивановични ҳам тишлаб, 10 та ўйинга четлатилган эди.
Италия ва Уругвай ўртасидаги ЖЧ-2014 гуруҳ босқичи учрашувиниг 80-дақиқасида Луис Суарес италияликлар ҳимоячиси Жоржио Кьеллинини тишлаб олган ва учрашув ҳаками кўрмай қолган эди.
ФИФА бу воқеа юзасидан тартиб-интизом чорасини кўришга киришган ва Суарес икки йилгача четлатилиши мумкинлиги хабар қилинмоқда.
