Хабарингиз бор, Бразилияда ўтаётган Жаҳон чемпионатида мусобақа мезбонлари ўз гуруҳларида биринчи ўринни қўлга киритишди ва қуръага кўра нимчорак финалда Чили терма жаомасига қарши баҳс олиб боришади. Ушбу ўйиндан аввал матбуот анжумани Луис Фелипе Сколари иштирок этди ва ўйин ҳақида ўз фикрларини айтиб ўтди.
"Биз ўйинларни томоша қилишни яхши кўрамиз, бироқ мутахассислар ва шарҳловчиларнинг фикрларини тингламаймиз. Ҳақиқатдан ҳам биз ҳақимизда нима дейишаётгани ҳақида билишни истамаймиз, чунки баъзи футболчилар оммавий танқидни яхши қабул қилишмайди".
"Бироқ, жамоа Конфедерациялар кубогидаги ҳолатнинг 80 %га чиқиб улгурди. Биз тиббий бўлимимиз ва руҳшуносларимиз билан жуда катта ишларни амалга оширдик. Ўтган йилги идеал ҳолатимизга қайтиш учун ҳаракат қиляпмиз".
Шунингдек, Сколари Чили терма жамоаси ҳақида ҳам илиқ фикрларни айтиб ўтди.
"Чили жуда яхши жамоа. Улар Сампаолининг кўрсатмаларини аниқ бажаришмоқда. Чилилик футболчилар ҳар ўйинга кучайиб бормоқда ва бизга муаммо туғдиришлари мумкин, ҳаттоки мағлуб этишлари ҳам ҳеч гапмас. Бироқ мағлуб бўлиш бизнинг режамизда йўқ ва ғалаба қозонишни режалаштиряпмиз. Агар мағлуб бўлсак ҳам, ҳаёт давом этади".
