«Барселона» ва Бразилия терма жамоаси ҳужумчиси Неймар ўзининг «Менинг тарихим – отам билан суҳбат» номли китобида "Сантос"да ўйнаётганида нима учун «Челси»дан тушган таклифга рад жавоб берганини маълум қилган.
«2000 йилнинг 23 август куни мен ва отам «Сантос» президенти билан учрашдик. «Челси» менинг трансферим борасида жиддий таклиф юборганди.
Суҳбат давомида «Сантос» президенти чироқни ўчирди ва бўш турган креслони кўрсатиб: «Бу буюк миллий қаҳрамоннинг ўрни. Айртон Сеннанинг вафотидан кейин у бўш турибди. Агар «Челси»нинг таклифини рад қилсанг ва «Сантос»да қолсанг, ушбу ўриндиқни эгаллаш учун биринчи қадамни ташлайсан», - деганди.
Бу ҳолат бизни ўйлашга мажбур қилганди. Қарор менинг ҳаётимни ўзгартирган бўларди. Ҳаттоки Пеле менга қўнғироқ қилди. Ўзимни қандай ҳис қилганимни тасаввур қиляпсизми? Футбол қироли менга қўнғироқ қилди ва қолишимни сўради.
У менга ўзининг «Сантос»даги фаолияти, терма жамоа ва клуб билан эришган ютуқлари борасида, буюкликка эришгани ҳақида сўзлаб берди. Бу биз учун осон бўлмаган, аммо тўғри қарор эди. Биз оиламиз, дўстларимиз ва фаолиятим учун тўғри қадам ташладик», – дея футболчининг китобидан иқтибос келтирмоқда Daily Mail.
Эслатиб ўтамиз, Неймар 2013 йилнинг ёзида «Барселона»га ўтди. Клуб маълумотига кўра, каталонияликлар унинг трансфери учун 57 миллион евро тўлашган.