Хаби Алонсо истеъфога чиқарилгач, "Реал" бош мураббийи этиб Альваро Арбелоа тайинланди. Матбуот анжуманида Арбелоа ўзининг тайинланишига изоҳ берди.
"Алоҳида кун. "Реал" таркибида бўлган барча кунларим каби. Мен бу ерда 20 йилдан бери яшайман. Бу тарихдаги энг яхши клуб. Мен масъулиятни ҳис қиламан ва катта мотивацияга эгаман.
Ажойиб таркибга эгамиз, йигитлар борини беришга тайёр. Шуни унутмаслик керакки, бизда 6 бор ЕЧЛда ғалаба қозонган футболчилар бор. Бу негадир тез унутилади. Айнан шу "Реал"ни тарихдаги энг яхши клубга айлантирди," - деди Арбелоа журналистларга.
Футбол бўйича Испания Кубогининг 1/8 финалида "Реал" 14 январь, чоршанба куни "Альбасете" меҳмони бўлади.
