"Лидс" клубининг янги президенти Массимо Челлино дарвозабон Падди Кеннини 17 май куни туғилгани учун жамоадан бўшатиб юборди.
Италиялик мутахассис 17 рақамини бахтсиз ҳисоблар ва ёқтирмас экан. "Кальяри"даги фаолиятида клуб стадионидаги "17" рақамли ўриндиқларни "16В"га ўзгартирган ҳам шу мутахассис эди.
36 ёшли Падди Кенни сўнгги икки мавсумда "Лидс"нинг асосий дарвозабони бўлиб келаётган эди.
Таъкидлаш лозим, "Лидс" Кеннининг ўрнига ўринбосар топди, бу "Манчестер Сити", "Астон Вилла" ва "Арсенал" клубларида заҳира дарвозабони бўлган, ҳозирда эркин агент мақомидаги Стюарт Тейлордир.
