Кот-д'Ивуар Футбол Федерацияси расмий сайтда эълон бериш орқали терма жамоага янги мураббий изламоқда.
Бу ҳақдаги эълон федерация расмий сайтида 7 июль куни эълон қилинган ва номзодлар ўз аризаларини 14 июль санасигача федерация президенти номига ижро қўмитасига ёки application@fifit.com электрон почта манзилига юборишлари мумкин.
Шунингдек, эълонда келтирилишича мураббийликка талабгорлар жамоа билан яхши ишлай олиши, француз тилини мукаммал билиши, шартнома муддати тугагунча Кот-д'Ивуарда яшаши шарт. Аризага илова тарзида номзодлар диплом нусхасини илова қилишлари керак.
Федерация тушган аризалардан беш нафар номзодни танлаб олади ва қарорини эълон қилади.
