Сайтимиз орқали ўтказилган сўровнома натижаларини эълон қиламиз. Мухлислардан ЖЧ-2014 финал жуфтлигини тахмин қилишни сўрагандик.

Сўровномада иштирок этганларнинг 681 нафари, яъни 43 фоизи финалда Германия-Голландия баҳсини кутишганди. Бироқ голландлар ярим финалда пенальтилар серияси бўйича Аргентинага ютқазиб қўйишди ва ҳал қилувчи баҳсга чиқа олишмади.

Жавоблар орасида Германия-Аргентина варианти овоз тўплаш бўйича иккинчи ўринни эгаллади — 514 овоз (32,4%).

Кейинги ўринларни эса Бразилия-Аргентина (224, 14,1%) ва Бразилия-Голландия (165, 10,4%) вариантлари эгаллашди.

Демак, аксарият мухлислар Германиянинг финалга чиқишига шубҳа қилишмаган. Аммо мухлислар ишонч билдирган Голландия финалга чиқа олмади. Мухлисларнинг учдан бир қисми жуфтликни тўғри топишгани эътиборга молик.