"Барселона" клубининг янги ўйинчиси Луис Суарес янги жамоаси сафида 2014 йилнинг 25 октябригача ўйнай олмайди.
Уругвайлик футболчи ЖЧ-2014да Италия ҳимоячиси Жоржио Кбеллинини тишлаб олгани учун ФИФА қарори билан 4 ойга ҳар қандай футбол маросимидан четлатилган эди. Жазо 25 июньдан ҳисобланган.
Испанияда мавсум 24 август куни бошланишини инобатга олсак, Суарес примерада икки ой қатнаша олмайди.
Шунингдек, Суарес Чемпионлар лигасининг дастлабки уч учрашувида "Барселона"га ёрдам бера олмайди. У бу мусобақада 4 ноябрьдан олдин қатнаша олмайди.
Эслатиб ўтамиз, Суарес ФИФА дисквалификацияси юзасидан Спорт арбитраж судига арз қилмоқчи, агар унинг аппеляцияси инобатга олинса, каталонияликлар сафида олдинроқ дебют қилиши мумкин.
