Аргентина терма жамоасининг собиқ бош мураббийи Диего Марадона ўз мамлакати терма жамоаси шаънига мақтовлар ёғдирди, аммо Месси чемпионатнинг энг яхши футболчиси бўлганига танқидий ёндашди.

«Биз Аргентина шаънини муносиб ҳимоя қилдик. Буни барча кўрди. Немислар финалда биздан устун эмасдилар. Улар бизнинг жамоага ҳурмат билан ёндашишди. Футболчилар ўз ўйинлари билан бунга мажбур қилишди.

Мен Леога ҳар қандай мақтовларни ёғдиришга тайёрман, аммо у «Олтин тўп»га муносиб эмасди. Унга совринни топширишгани ноҳақлик бўлди. Унга соврин беришга қарор қилганлар фақат маркетингни ўйлашган шекилли. Месси «Олтин тўп»ни олиш учун истамайгина боргани кўриниб турди», – дейди Марадона.