Бразилия терма жамоасининг собиқ ўйинчиси Зико ЖЧ-2014даги омадсизлик сабабларини топишга уриниб кўрди ва бразилиялик футболчиларнинг Европага экспортини тўхтатиш кераклигини айтди.
"Конфедерациялар кубогидан сўнг Сколари жамоада ҳеч қанай ўзгартириш қилмади, бу давр ичида бизга қарши қандай ўйнаш кераклигини ўрганиб бўлдилар. Унинг ўрнига кимни тайинлаш керак? Мен "Сан-Паулу"даги Муриси Рамальони танлар эдим. Бизга чнги фикрлаш керак.
Энг катта муаммомиз шундаки, биз иқтидорли футболчиларни экспорт қилиш бўйича етакчимиз. Европа клублари энг яхши ўйинчиларимизни тортиб олишмоқда. Бразилиялик йигитлар 14, 15 ёшларида Европага ўтишмоқда. У ерда энг яхши йилларини ўтказиб, кейин Бразилияга вайтишмоқда. Бу бизнинг клублар ва чемпионатимизни бузмоқда. Агар биз иқттидорлар экспортини тўхтатмас эканмиз, Бразилия футболини қайта тиклай олмаймиз", - дейди Зико.
