"Ювентус" клубининг собиқ устози Антонио Контенинг дўсти Массимо Жилетти мутахассиснинг истеъфоси сабаблари ҳақида фикр билдирди.
"Ўйлайманки, Контенинг "Милан" билан оғзаки келишуви борлиги энди ҳеч кимга сир эмас. Албатта, юу "Ювентус"га ёқмади ва вазиятни янада чигаллаштирди.
Бу ҳақда кўпчилик билмас эди, аммо бу келишув жуда катта сир ҳам эмас эди. Ўтган уч йил давомидаги чарчоқ, вазиятни ўзгартириш - истеъфо сабалари бўлиши мумкин.
Унинг ўрнига ким келса ҳам "Ювентус"да катта қийинчиикка учрайди. Клубнинг охирги йиллардаги омадли натижаларида Контенинг 60-70 фоиз улуши бор.
Конте билан муносабатларимиз жуда яқин. Мавсумлар оралиғида кўпчилик футболчилар "Юве"ни тарк этадилар, уларнинг ўрнига бошқалари келади. Аммо трансфер масалаларида сўз айта олмайдиган мураббий клубда вазиятни ўзгартиришга қийналади", - дейди Жилетти.
