ЖЧ финал баҳсини бошқариб борган италиялик ҳакам Никола Риццоли Германия терма жамоаси ярим ҳимоячиси Кристофер Крамер жароҳат олган пайтида юз берган воқеани ёдга олди.

«Тўқнашувдан кейин Крамер менинг олдимга келди ва сўради: «Реф, бу жаҳон чемпионати финалими?» У ҳазиллашяпти деб ўйлайдим ва саволни такрорлашни сўрадим. Кейин у яна савол берди: «Мен аниқ билишим керак, бу ростдан ҳам финалми?». Бу ўйин финал эканини тасдиқлаганимдан кейин, у жавоб берди: «Раҳмат, буни билишим муҳим эди». Шундан сўнг у алмаштирилди», — дейди Риццоли.

Эслатиб ўтамиз, ЖЧ финал баҳсида Кристофф Крамер аргентиналик Эзекьел Гарай билан тўқнашув пайтида бошидан жароҳат олиб, майдонни тарк этишга мажбур бўлганди.