"Ювентус"нинг собиқ ҳужумчиси Алессандро Дель Пьеро фаолиятини Ҳиндистон чемпионатида давом эттириши мумкин.
39 ёшли футболчининг янги клуби "Пуне" бўлиши мумкин. Ҳиндистон футболчилари учун янги бозор ташкил қлишни кўзлаган бу клуб ушбу ҳафтада "Фиорентина" билан ҳамкорлик келишувига эришди.
Айнан "Фиорентина" раҳбарлари Дель Пьеронинг таклиф қилинишга сабабчи бўлмоқдалар.
Таъкидлаш жоиз, "Пуне" ўтган мавсумда Ҳиндистон чемпионатида 7-ўринни эгаллаган.
Дель Пьеро ўтган икки мавсумда Австралиянинг "Сидней" клубида тўп сурди, ҳозир эса эркин агентга айланган.
