"Реал" бош мураббийи Карл Анчелотти Ҳалқаро чемпионлар кубогида "Манчестер Юнайтед"га қарши учрашувда Криштиану Роналдуни майдонга туширмасликка қарор қилди.
Бу ҳақда клуб расмий сайти хабар қилмоқда. Учрашув шанбадан якшанбага ўтар кечаси соат Тошкент вақти билан 01.05 да бошланади.
Португалиялик футболчи бир ҳафта якка тартибда шуғулланди. У жароҳат ва таътилдан сўнг етарли жисмоний тайёргарликка эга эмас.
Аввалроқ Анчелотти ҳужумчининг "МЮ"га қарши майдонга тушишига умид қилаётган эди.