Испаниянинг "Sport" нашри саҳифаларида куни кеча Лионель Мессининг келажаги ҳақида ҳикоя қилувчи мақола эълон қилинди. Унда айтилишича, аргентиналик юлдуз "Барселона" президентлиги учун номзодларнинг бирортасини ҳам қўллаб-қувватлашни истамаяпти. Месси номзодлар билан учрашиш ниятида эмас, унинг Жоан Лапорта билан муносабатлари эса ҳамон совуқлигича қолмоқда.
Қайд этилишича, "Интер Майами" билан шартнома муддати тугаганидан сўнг Мессининг оиласи яшаш учун Барселонага қайтади. Айнан ўшанда Лионель ўзининг қадрдон клубига қайтиши мумкин бўлади. Месси "Барселона"нинг спорт менежменти (раҳбарияти) лавозимидан жой олиши кутилмоқда.
Лионель Мессининг "Интер Майами" билан амалдаги шартномаси 2028 йилнинг охиригача амал қилади.
