Бразилия терма жамоасининг дарвозабонлар мураббийи Клаудио Таффарел терма жамоада Жулио Сезарнинг ўрнига муносиб номзод борлигини қайд этди.

«Терма жамоанинг айни дамдаги асосий дарвозабони ким? Мен «Наполи» дарвозабони Рафаель Кабрални бу номга асосий даъвогар сифатида кўрсатган бўлар эдим», - дейди бразилиялик афсонавий дарвозабон.

«Бундан бироз аввалроқ, ҳали «Галатасарой»да ишлаб юрган пайтимда, «Наполи»га қарши ўртоқлик учрашувини ўтказдик. Ўша ўйиндан кейин у билан гаплашдим ва унга бундай имкониятни қўлдан чиқармаслиги кераклигини айтдим. У ҳақиқатдан ҳам Бразилия терма жамоасининг келажаги. Ўтган мавсумда жароҳати боис, кўп учрашувларни ўтказиб юборди, аммо ҳозир у ўз формасини тиклаб олди ва ўйлайманки у «Наполи»да асосий дарвозабон бўлади», - дейди Таффарел.