Осиё Футбол Конфедерацияси ҳакамлар департаменти назоратчилари ОФК таснифига кирувчи мусобақаларни бошқариб бориш учун номзодларнинг ўйинини кузатиш учун Ўзбекистонга ташриф буюради.

ФИФА реферилари Шерзод Қосимов ва Азиз Асимовлар Футбол бўйича Ўзбекистон Олий Лигасининг 15-туридан ўрин олган учрашувларда ОФК назоратчилари кузатувида бўладилар. Жумладан, ФИФА рефериси Шерзод Қосимов 9 август куни «Металлург» – «Динамо» учрашуви ҳакам сифатида мутахассислар кузативида бўлса, 10 август куни ОФК мутахассислари Азиз Асимов бошқариб борадиган «Бунёдкор» – «Машъал» ўйинини кузатиб борадилар.

ОФК Ҳакамлар департаментидан ташриф буюрадиган мутахассислар иккала ҳакаммнинг ўйинларини кузатишади ва уларни баҳолашади. Мазкур ўйинларда ўзбекистонлик реферилар ОФК назоратчилари томонидан юқори баҳоланишса, келаси йилдан бошлаб ОФК таснифига кирувчи мусобақаларни бошқариб бориш ҳуқуқини қўлга киритадилар.

Таъкидлаш жоиз, ҳар иккала ўзбекистонлик реферилар ОФК томонидан ташкил этилган ўқув семинаридан муваффақиятли ўтган ва имтиҳонларнинг сўнгги босқичига йўл олган эдилар.