Германия терма жамоаси ва "Челси" клуби яримҳимоячиси Андре Шюррле янги мавсумдан нималарни кутаётганини билдирди.
"Ўтган мавсумда эриша олмаган натижаларимизга эришишга умид қиляпман. Биз - жамоамиз, бизда яхши ўйинчилар бор ва биз берилиб ишлашимиз керак.
Уларнинг ҳаммаси - жаҳон даражасидаги ўйинчилар. Дрогба ўз клубига қайтди, Фабрегас эса дунёнинг энг яхши ўйинчиларидан бири. Биз ўтган йили "Атлетико" билан ўйинда Фелипе Луисга қарши ўйнаган эдик, у жуда яхши ўйнаган эди. Диего Костанинг ўйинини ҳам кўрганман. Мен улар билан биргаликда майдонга тушишни сабрсизлик билан кутяпман. Улар жуда юқори савиядаги ўйинчилар", - дея Шюррленинг сўзларини келтиради "Челси" расмий сайти.