"Эвертон" клуби ҳимоячиси Лейтон Бейнс нима учун "Манчестер Юнайтед" таклифини рад этиб, "Эвертон"да қолгани ҳақида гапириб берди.
"Сўнгги йиллар давомида жамоамиз ўзининг асосий футболчиларини жамоада олиб қолишга эришмоқда. Бошқа жамоага ўтиши таҳмин қилинган кўплаб жамоадошларим якунда Эвертонда қолишди. Масалан, Баркли, Коулмэн ва Стоунзлар кетишлари мумкин эди, аммо улар шу ерда, Эвертонда ўйнашдан ҳурсанд", - дейди Бейнс.
"Мен жамоа билан шартномамни узайтирганимда, Роберто Мартинес менга клуб стратегиясига кўра етакчиларни сақлаб қолиш муҳим эканини айтганди ва мен ўйлаб ўтирмай рози бўлдим. Мен шартномамни айнан "Манчестер Юнайтед" менга таклиф билан чиққан пайтда узайтирдим. "Юнайтед"га ўтмаганим - тўғри қарор бўлди деб ўйлайман", - дейди "Эвертон" ва Англия терма жамоаси ҳимоячиси.