"Насаф" - "Локомотив" учрашувидан кейинги матбуот анжуманининг биринчи қисмида "темирйўлчилар" бош мураббийи Вадим Карленович Абрамов қатнашди.
- Йирик ғалаба қозонишингизни аввалдан сезганмидингиз?
- "Насаф" кучли жамоаэканини биламиз. Биз бу ўйинга пухта тайёргарлик кўргандик. Йирик ҳисобдаги ютуқни очиғи кутмагандик. Биз аввалдан қарши ҳужумлар режаси асосида ўйнамоқчи эдик.
- Иван Нагаев захирадан майдонга туширилди. Биринчи даврадаги ўйинларда жамоанинг кўплаб голларини айнан шу ҳужумчи киритганди.
- Жамоамизда кўплаб тажрибали футболчилар бор. Рақобат доимгидан кучли. Иложи борича клубдаги барча футболчиларга имконият беришга ҳаракат қиламиз. Ҳар бир ўйинга, рақибга қараб таркиб ва тактика танлаймиз.
- Бугунги баҳсда осонлик билан ғалаба қозондик деб ўйлайсизми?
- Йўқ, айтиб ўтганимдек рақиб анча кучли. Мавсум аввалида биз "Насаф"дан кучсизроқ эдик. Ҳозир эса исталган рақиб билан беллаша оламиз. Бугунги ўйин шундай кечди.Бизда кўплаб голлар киритиш имкониятлари юзага келди ва футболчиларим бу вазиятлардан унумли фойдалана олишди. Дарҳақиқат, ҳозиргача энг қийин кечган баҳс "Насаф" билан бўлган.