Кеча бўлиб ўтган Олий лиганинг 16-турида «Сўғдиёна» Самарқандда "Динамо" устидан ғалаба қозонди. Ўйиндаги ғалабани олиб келган тўпга муаллифлик қилган Ориф Мамажонов билан суҳбатлашдик.

— Авваламбор, Сизни оилангизда янги фарзанд дунёга келгани билан табриклаймиз! Кечаги гол ҳам чақалоққа аталган бўлса керак?
— Ҳа, яқинда фарзандли бўлгандим, кечаги голимни ҳам фарзандимга бағишладим.

— Кечаги ўйин қандай кечди, ҳар ҳолда қимматли уч очко қўлга киритилди…
— Кечаги ўйинда бизга 3 очка сув ва ҳаводек зарур эди. Биз учун жуда қийин ўйин бўлди ва биз керакли натижага эришдик. Бундан кейинги учрашувларда ҳам жамоамизга бор кучим билан ёрдам бераман. Мураббийимиз Даврон ака ҳамма йигитларни бирлаштириш, ғалабалар сари олиб боришга ҳаракат қилаяпти. Дарвозабонимиз Меленчук эса яхши дарвозабон бўлишидан ташқари, унинг инсонийлик жиҳатлари ҳам ажойиб бўлган инсон.