Англиянинг “Манчестер Юнайтед” клуби Португалиянинг “Спортинг” клубининг Нани борасидаги таклифига қарши ўз шартларини таклиф қилди.
Унга кўра “МЮ” Спортингга Нанини трансфер қилиши ва унинг ўрнига аргентиналик ҳимоячи Маркос Рохони беришни сўраган.
Бир кун аввал “Спортинг” Нани борасида “МЮ”га таклиф билан чиққан ва уни ижарага сўраган эди. “Манчестер Юнайтед” эса “Спортинг” ҳимоячиси Маркос Рохони ўз сафига қўшиб олиш истагида португалияликларга таклиф билан чиққан эди. Муаммо шундаки, ҳар иккала клуб қўяётган шартлар иккинчи томонни қониқтираётгани йўқ. “МЮ” Нанини 10 млн фунтдан камига сотишни истамаяпти. Ўз навбатида “Спортинг” ҳам Рохонинг трансфери орқасидан 20 млн ишлаб олмоқчи.