Аргентина терма жамоаси яримҳимоячиси Анхель Ди Мария "Реал" раҳбариятидан ўзини бошқа клубга қўйиб юборишларини сўради.
Бу ҳақда клуб бош мураббийи Карло Анчелотти маълум қилди.
"Хедира билан вазият Ди Марияники билан фарқ қилади. У ҳам шартномани узайтиришни истамади, аммо бошқа клубга қўйиб юбришимизни сўрамаган эди", - дейди Анчелотти.
Испания матбуотиниг хабарларига кўра, Ди Мария фаолиятини "ПСЖ"да давом эттириши мумкин, аммо томонлар трансфер борасида келиша олганлари йўқ. "Реал" футболчи учун 65 миллион евро сўрамоқда, парижликлар эса нархни тушириш пайидалар.