Жазоирнинг "ЖС Қобилия" клубининг камерунлик ҳужумчиси Альберт Эбоссе "УСМ Жазоир" клуби билан ўтган учрашувдан сўнг (1:2) мухлислар томонидан улоқтирилган буюмнинг бошига тегиши натижасида вафот этди.
Эбоссе гол муаллифи бўлган эди. Ўйин тугаганидан сўнг мухлислар майдонни тарк этаётган футболчиларга қарата турли буюмларни улоқтирдилар. Улардан бири камерунлик футболчининг бошига келиб тушди. Футболчи шифохонага етказилди, аммо 24 ёшли футболчи ҳаётдан кўз юмди.
Жазоир ички ишлар вазирлиги ушбу воқеа юзасидан жиноий иш қўзғади.