Греция терма жамоаси марказий ҳимоячиси Костас Манолас "Рома" билан 5 йиллик шартнома имзолади.
Футболчи кўпчиликнинг фикрига кўра, А сериянинг энг яхши ҳимоячи сифатида кўрилган, "Бавария" сафига ўтиб кетган Меҳди Бенатианинг ўринбосари бўлиши кутилмоқда.
"Бенатиа - ажойиб ўйинчи. Мен "Рома"нинг кўп ўйинларини кўрганман, чунки у ерда Вассилис Торосидис ўйнайди. Бенатиа - энди ўтмиш, мен келажакман. Камида ундан қолишмасликка ҳаракат қилиб, "Рома"да узоқ вақт тўп сурмоқчиман.
Мен тезкорман ва жисмонан бақувватман. Тўп билан яхши муомала қиламан ва рақибнинг ўйинини ўқий оламан. Менинг чизиғимда ўйнайдиганлардан Тиаго Сильвани ажратиб кўрсата оламан. Тезроқ жамоага ва мураббийнинг кўрсатмаларига мослашиб, доим майдонга чиқишни ҳамда футболчи сифатида ўсишни истайман", - дейди Манолас УЕФА расмий сайтига.