Футзал бўйича клублар ўртасидаги Осиё чемпионати якунланди. Хитойнинг Ченгду шаҳрида бўлиб ўтган мазкур мусобақадаги ғолиблиги япон жамоасига насиб этди.

"Локомотив" тўп сурган "А" гуруҳида ғолибликни қўлга киритган "Нагоя Оушенс" ярим финалда Эроннинг "Дабирий Табриз" клубини 6:2 ҳисобида мағлуб этди. Мезбон "Шенжен Нанлинг" эса финал йўлланмаси учун баҳсда Таиланднинг "Чонбури Блувейв" клуига имкониятни бой берди (3:6).

"Нагоя Оушенс" ва "Чонбури Блувейв" ўртасидаги чемпионлик баҳсида японияликлар 5:4 ҳисобида ғалаба қозонишди. Бронза медали учун кечган баҳс ҳам анча қизиқарли кечди. "Дабирий Табриз" ва "Шенжен" ўртасидаги баҳснинг асосий ва қўшимча вақтларида 5:5 ҳисоби қайд этилди. Пенальтилар сериясида эса омад эронликларга кулиб боқди - 7:6.

Футзал. Клублар ўртасида Осиё чемпионати
Ярим финал
"Нагоя Оушенс" - "Дабирий Табриз" - 6:2
"Чонбури Блувейв" - "Шенжен Нанлинг" - 6:3

3-ўрин учун баҳс
"Дабирий Табриз" - "Шенжен Нанлинг" - 5:5. Пен. серияси - 7:6
Финал
"Нагоя Оушенс" - "Чонбури Блувейв" - 5:4