"Челси"га тегишли бўлган ва "Милан"да ижарага ўтган ҳужумчи Фернандо Торрес Италия клубига ўтиши ва "кўклар"нинг бош мураббийи Жозе Моуриньо билан муносабатлари ҳақида фикр билдирди.
"Моуриьо билан ишчан муносабатда эдим ва ундан кўп нарса ўргандим. "Милан"га ўтмоқчилигимни унга айтганимда, у менга омад тилади ва бу ерда қанчалик ишқибозлик қилишларини сўзлаб берди. Мен унга яхши тилаклар тиладим.
Мен жаноб Берлускони билан танишдим. Ҳар хил мавзуда суҳбатлашдик ва у мени бу ерда кўриб турганларидан хурсанд эканликларини айтди. У менинг "Милан" билан шартнома имзолаганимдан хурсанд.
Тиббий кўрик натижалари яхши чиқди. Ўзимни жисмонан жуда яхши ҳис қиляпман ва тезроқ ўйнашни хоҳлайман", - дейди испан футболчиси.
