"Манчестер Юнайтед" яримҳимоячиси Анхель Ди Марияининг агенти Эухенио Лопес мижозининг мадридликлар сафида қолишни истагани маълум қилди.
"Ди Мария ҳеч қачон "Реал"дан 8 миллион евро маош сўрамаган ва ҳозир "МЮ"даги маошидан кам бўлсада, жамоада қолишга тайёр эди. У Мадридда ваъда қилинган нарсаларни олишни хоҳлаган холос. Жаҳон чемпионатидан сўнг, ҳамкорликни давом эттирмоқчи эдик, аммо "Реал" Тони Кроос ва Хамес Родригесни сотиб олди.
Бу биз учун нохуш эканлигини сездик. Ди Мария Мадридда қолишни истаган эди, аммо ҳаммаси ўзгариб кетди. Анчелотти? У ҳам Анхельнинг қолишини истаган эди", - дея агентнинг сўзларини келтиради AS.