"Арсенал" бош мураббийи Арсен Венгер ЕЧЛ гуруҳ босқичининг 1-турида "Боруссия"га қарши учрашувдан сўнг (0:2) фикрлари билан ўртоқлашди.
"Бу биз учун оғир кеча бўлди, аммо "Боруссия"ни табриклайман, у биздан яхшироқ ўйнади. Ўзимизнинг ўйинимиздан хафаман. Ҳисобни очиш учун икки марта яхши миконият бўлди, кейин эса қарши ҳужумларда ўйнадик.
Биз дарвозамиздан 80 метр узоқликда тўп йўқотдик ва ҳимоямизда бир кишига қарши уч киши эдик. Шунинг учун қандай қилиб гол ўтказиб юборганимизни тушуна олмаяпман.
Дортмундликлар бугун майдон марказида жуда кучли бўлишди. Биздан кучли. Биз жамоа сифатида уларнинг савиясига тенг кела олмадик", дея Венгернинг сўзларини келтиради УЕФА расмий сайти.













