"Байер" ҳужумчиси Штефан Кисслинг ЕЧЛ гуруҳ босқичининг 1-турида "Монако" билан учрашувдаги мағлубиятдан сўнг (0:1) фикрларини билдирди.
"Фақат ўзимизни айблашимиз мумкин. Иккинчи бўлимда майдонда кўринмадик, десак ҳам бўлаверади, биринчи бўлимда эса рақибдан яхшироқ ўйнадик. Кўп вазиятлар яратдик, икки-учта гол уришимиз мумкин эди.
Якунловчи вазиятда совуққонроқ ва қатъийроқ бўлишимиз керак. Бу сўзларни бундеслигадаги охирги ўйинимизга ҳам қўлласа бўлади. Ҳаммасини биринчи бўлимда ҳал қилишимиз мумкин эди. Юқори даражадаги учрашувларда бундай ўйнаш ярамайди", - дейди Кисслинг.