"Челси" бош мураббийи Жозе Моуриньо ЕЧЛ гуруҳ босқиининг 1-турида "Шальке-04" клуби билан учрашувдаги дуранг натижадан сўнг (1:1) фикрларини билдирди.

"Ҳафсалам пир бўлди. Биз тезкор гол киритдик ва ҳисобни янада ошииш учун имкониятларга эга бўлдик, аммо улардан фойдалана олмадик. Ҳисоб 1:1 лигида ҳам ғалаба қозониш учун имкониятларимиз бўлди. Бу чемпионлар лигаси."

"Шальке" дуранг учун келган эди, ҳисобни тенглаштириб, бор кучи билан ҳисобни ушлаб қолишга ҳаракат қилди. Уларнинг дарвозабони ажойиб ўйин кўрсатди.

Рақибни табриклайман. Улар ўз мақсадларига эришдилар. Биз эса ўйин натижасидан қониқмадик, чунки ғалаба учун ҳаракат қилган эдик, аммо унга эриша олмадик.

Биз ҳисобда олдинда бораётган вақтимизда ҳам ўз футболимизни ўйнаймиз ва гол уришга ҳаракат қиламиз. Биринчи бўлимда Фабрегас Иванович оширган тўпни йўллай олмади, иккинчи бўлимда эса Дрогба дарвозабон билан бирга бир вазиятни ура олмади.

Охирги 15 дақиқада Реми, Терри, Азар гол уриши мумкин эди. Аммо бу футбол. Биз дурангдан хурсанд бўлмаймиз, ахир бу бир очко, холос.

Қисқа муддатли мусобақада дуранг, бу - сен бир очко олсанг, рақибинг икки очко йўқотди, дегани", - дейди Моуриньо.