"Шальке-04" бош мураббийи Йенс Келлер ЕЧЛ гуруҳ босқичининг 1-турида "Челси"га қарши учрашувдаги дуранг (1:1) натижадан қониққанлигини билдирди.

"Мен жамоамдан жуда фахрланаман. Улар ақлбовар қилмас ўйин кўрсатдилар. Айниқса, оптимал бўлмаган таркиб билан "Челси"га қарши ўйнаганини ҳисобга олсак.

Ўйин олдидан муаммоларга дуч келдик. Йигитлар 90 дақиқа ичида ўйинга қўйилган вазифаларни аъло даражада бажардилар.

Балки, "Челси" бизни менсимагандир, аммо менинг жамоам жуда яхши ўйнади ва режаларни тўлиқ бажарди.

Энди барқарорликни сақлаб қолишимиз керак, умид қиламанки, бошқа ҳеч ким жароҳат олмайди ва бир қатор ўйинчиларимиз сафга қайтишади.

12 ёки 13 футболчи билан доим юқори савияда ўйнаб бўлмайди. Танлов бўлиши керак", - дейди Келлер.