"Челси" бош мураббийи Жозе Моуриньо Англия чемпионатининг 5-турида "Манчестер Сити"га қарши учрашувда ҳужумчи Диего Коста майдонга тушиши мумкинлигини билдирди.

"Ҳамма ўйинга тайёр. Диего Коста яхши формада бўлмасада, бошланғич таркибда майдонга тушади. У бу ўйинда иштирок этади, аммо "Болтон"га қарши ўйнамайди. Яна кўрамиз, ишлар қандай ҳал бўлар экан.
 
Лэмпардниг "Манчестер Сити" сафида ўйнашининг ажабланарли томони йўқ, бу - футбол. У шундай қарор чиқарибдими, мен буни ҳурмат қиламан. Фрэнкнинг рақиб жамоаларидан бири сафида ўйнашини тасаввур қилмаган эдим, у менинг энг севимли ўйинчиларимдан бири.

Бу унинг фаолиятидаги бир давр, холос. Лэмпард "Челси" учун кўп ишлар қилган, унинг клуб тарихидаги ўрни - даҳлсиздир", - дея Моуриньонинг сўзларини келтиради клуб расмий сайти.