"Челси" бош мураббийи Жозе Моуриньо Англия чемпионатининг 5-турида "Манчестер Сити"га қарши ўйин ҳақида фикр билдирди (1:1).
 
"Биз икки очко йўқотмадик, бир очко ишлаб олдик. Биз бу ерга карвонбоши сифатида келдик, таъқибчимиз билан фарқ икки очко эди, энди эса фарқимиз учтага етди. Жадвалга қаранг, биз ҳамон биринчи ўриндамиз.

Биз бугун жуда кучли рақибнинг майдонида ўйнадик ва яхши натижага эришдик. Биз жуда яхши футбол кўрсатдик.

Ҳисоб 1:0 бўлиб турганда Диего Коста устунни мўлжалга олди. Агар кучли рақиблар билан ўйнаганда бундай вазиятлардан фойдалана олмасанг, натижани хавф остига қўясан.

Биз ўйинни ғалаба билан якунлаш учун тактика тузган эдик. "Сити" ўйинни қутариб қолиш учун қаттиқ ҳаракат қилди. Биз гол урдик ва кўпроқ вазиятлар яратдик, рақиб эса ҳисобни тенглаштира олди.

Оқибатда рақиб ҳам очкога муносиб бўлди деб ҳисоблайман", - дейди Моуриньо.