Ўзбекистонлик эркин курашчи Рашид Қурбонов Осиё Ўйинларининг финал баҳси йўлланмасини қўлга киритди.
74 кило вазнлилар ўртасидаги ҳозиргина ярим финал баҳслари ўтказилди. Қурбонов унда япониялик Дайсуке Шимадани мағлуб этди. Баҳснинг биринчи бўлими 2:2 ҳисобида дуранг билан якунланди. Иккинчи бўлимда ҳамюртимиз устунликни ўз қўлига олди ва умумий ҳисобни 5:3га етказди.
Рашид Қурбонов финалда Иззатуллоҳ Акбаризаринколаий (Эрон) билан курашади.
Жамшид Кенжаев ва Умиджон Исманов эса ўз вазнларида бронза медаль учун курашиш имкониятига эга бўлишди.
